2014 ж.

  2014 ж. 21 қараша – 22 желтоқсан

 «Тарихи таңдау» көшпелі көрмесі

    2014 ж. 21 қарашада Г.Н. Потанин атындағы Павлодар облыстық тарихи-өлкетану мұражайында Қазақстан Республикасы Тұңғыш Президенті Музейінің қорынан ұйымдастырылған «Тарихи таңдау» көрмесінің ашылуы өтті.
    Көрмені Павлодар облысы әкімінің орынбасары А.А. Орсариев, Қазақстан Республикасы Тұңғыш Президенті Музейі директорының орынбасары К.Қ. Ақтаева ашты.
    Көрменің ашылу салтанатына жергілікті билік органдарының жетекшілері, қоғам өкілдері, қалалық мәдени мекемелерінің басшылары, ЖОО-ның студенттері мен қала оқушылары қатысты.
«Тарихи таңдау» көрмесі ҚР Тұңғыш Президенті Музейінің ғылыми-экспозициялық жобасы аясында құрылған.
    1991 жылы 1 желтоқсанда Қазақстан халқы Н.Ә. Назарбаевты Тұңғыш Президенті ретінде сайлап, өзінің шынайы тарихи таңдауын жасады.
    2012 жылы жаңа мереке күнін бекіткеннен кейін бірегей мұрағаттық қоры бар ҚР Тұңғыш Президентінің Музейі жыл сайын жұртшылыққа «Тарихи таңдау» көрмесін ұсынады. Экспозицияда Қазақстан Президентінің алғашқы бүкілхалықтық сайлауына қатысты оқиғаларды баяндайтын мұрағаттық және заттық материалдар кешені көрсетілген.
   Жоба аясында еліміздегі президенттік институттың қалыптасуы мен даму  үрдістеріне жарық түсіретін мұражайлық әдістер арқылы, тұрақты және көшпелі көрмелер, тақырыптық және көшпелі экскурсиялар өткізіледі.
     Осы жылы Астанадан Павлодарға әкелінген көрменің негізгі мазмұнын ҚР Тұңғыш Президенті Музейінің қорындағы бірегей материалдар жинағы ашады: Н.Ә. Назарбаевтың жеке заттары, шетелдік мемлекеттер мен үкімет басшыларынан берілген сыйлықтар, жас тәуелсіз мемлекеттің үдемелі дамуы мен халықаралық деңгейде беделін нығайтуға бағытталған Елбасының қызметін, бастамаларын, идеяларын баяндайтын фото және мұрағат құжаттары.
 

16 қыркүйек – 20 қазан 2014 ж.
 
«Қазақстан Республикасының сыртқы саясатындағы Азиялық бағыты» көшелі көрмесі.
 
     2014 жылдың 16 қыркүйегінде М.Тынышпаев атындағы Алматы облыстық тарихи-өлкетану мұражайында Қазақстан Республикасы Тұңғыш Президенті Музейінің (Астана қ.) қорынан жинақталған «Қазақстан Республикасының сыртқы саясатындағы Азиялық бағыты» атты көрменің ашылу салтанаты  өтті.  
      Көрмені Алматы облысы әкімінің кеңесшісі А.К.Кендербек, Алматы облыстық  мәдениет,  мұрағаттар және құжаттама басқармасының басшысы Р.Р.Есдаулетов, Қазақстан Республикасы Тұңғыш Президенті Музейі директорының орынбасары К.Қ.Ақтаева ашты.
       Көрменің ашылу салтанатына жергілікті билік органдарының жетекшілері, қоғам өкілдері, Талдықорған қаласының мәдени мекемелерінің басшылары, ЖОО-ның студенттері мен оқушылар қатысты.
Көрмеге құжаттар мен фотосуреттер, Елбасының шетелдерде ресми іс-сапарлары кезінде еліміздің халықаралық дәрежедегі абыройына құрмет ретінде ұсынылған Музей қорынан алынған бұйымдардан тұратын 109 жәдігер қойылған.
      Көрменің негізгі мазмұнын Қазақстанның сыртқы саясатының негізгі бағыттарының бірінің жылнамасын қалыптастыратын құжаттар мен фотосуреттер ашады. Қытай, Жапония, Үндістан, Түркия, Азия-Тынық мұхит аймағы елдері, мұсылман мемлекеттерінің басшылары мен үкіметтерінен берілген сыйлықтар өте жоғарғы деңгейде орындалған:  күміс және сәндік бұйымдар, сәндік-қолданбалы өнер туындылары, мүсіндер. Бұл Шығыс елдерінің қайталанбас мәдениетін көрсететін аз ғана бөлігі. Көрмедегі жәдігерлер  Азияның барлық аймақтарын қамтитын алты бөлімнен тұрады: мұсылман елдері, Таяу және Қиыр Шығыс, Орталық Азия, Оңтүстік-Шығыс, Азия-Тынықмұхит аймағы. Шағын көрме біздің еліміздің азиялық мемлекеттермен тәуелсіздік жылдарында орнатылған қарым-қатынасын ғана емес, сонымен қатар осы елдердің мәдениеті мен дәстүрін көрсетеді.
      Әрбір жәдігер теңдесі жоқ, бағалы: сәндік табақтар, керамика, киім, мүсіндер, паннолар. Әрбір сыйлық - бұл дәуірдің, халық пен оның өнері көрініс тапқан белгілері. 
 

17 сәуір - 20 мамыр 2014 ж.

«Қазақстан Республикасының сыртқы саясатындағы Азиялық бағыты»  көшпелі көрмесі

     2014 жылдың 17 сәуірінде «Әзірет Сұлтан» тарихи-мәдени қорық-мұражайында Қазақстан Республикасы Тұңғыш Президенті Музейінің (Астана қ.) қорынан жинақталған «Қазақстан Республикасының сыртқы саясатындағы Азиялық бағыты» атты көрменің ашылу салтанаты  өтті.  
     Көрмені Оңтүстік Қазақстан облысы әкімінің орынбасары А.А. Бектаев, Қазақстан Республикасы Тұңғыш Президенті Музейі директорының орынбасары К.Қ. Ақтаева, «Әзірет Сұлтан» тарихи-мәдени қорық-мұражайының директоры М.Ж. Садықбек ашты.
       Көрменің ашылу салтанатына жергілікті билік органдарының жетекшілері, қоғам өкілдері, Түркістан және Шымкент қалаларының мұражайларының, мәдени мекемелерінің директорлары қатысты.
Көрмеге Елбасының Жеке мұрағаты мен Жеке кітапханасынан құжаттар мен фотосуреттер, Елбасының шетелдерде ресми іс-сапарлары кезінде еліміздің халықаралық дәрежедегі абыройына құрмет ретінде ұсынылған Музей қорынан алынған бұйымдардан тұратын 133 жәдігерлер  қойылған.
Көрменің негізгі мазмұнын Қазақстанның сыртқы саясатының негізгі бағыттарының бірінің жылнамасын қалыптастыратын құжаттар мен фотосуреттер ашады. Қытай, Жапония, Үндістан, Түркия, Азия-Тынық мұхит аймағы елдері, мұсылман мемлекеттерінің басшылары мен үкіметтерінен берілген сыйлықтар өте жоғарғы деңгейде орындалған:  күміс және сәндік бұйымдар, қолдан тоқылған кілемдер, сәндік-қолданбалы өнер туындылары, мүсіндер мен кітаптар.
     Келушілер жапондық қылқалам шеберлерінің орындауындағы панноларды, әсемдігімен көз тарттырған шығыс кілемдерін, Шығыс халықтарының  ұлттық киімдері мен музыкалық аспаптарын, ыдыстары мен тұрмыстық заттарын тамашалай алады.
Көрме еліміздің халықаралық қатынастарының негізгі кезеңдерін Азия елдерінің көркем және сәндік-қолданбалы өнерінің қайталанбас үлгілері арқылы ашып көрсетеді.
     «Қазақстан Республикасының сыртқы саясатындағы Азиялық бағыты» көрмесі 2014 жылдың 20 мамырына дейін жұмыс істейді.