2012 ж.

      2012 жылдың 3 қазанында Батыс Қазақстан облыстық тарихи-өлкетану мұражайында Қазақстан Республикасы Тұңғыш Президент Музейі (Астана қ.) қорынан ұйымдастырылған «Қазақстан және әлемдік қоғамдастық» атты көшпелі қор көрмесі ашылды. 
      Көрмені Батыс Қазақстан облысының әкімі Н.А. Ноғаев, Қазақстан Республикасы Тұңғыш Президенті Музейі директорының орынбасары К.Қ. Ақтаева ашты. 
      Көрменің ашылу салтанатына облыс әкімінің орынбасарлары С.Ж. Шәпкенов, А.Б. Бадашев, Ұлы Отан соғысының ардагері Б. Жұмағалиев, жазушы Э. Ғаббасұлы, жергілікті басқару органдарының жетекшілері, қоғам өкілдері қатысты. 
      Көрменің негізгі мақсаты - тәуелсіз Қазақстанның жеткен жетістіктері мен еліміздің Тұңғыш Президенті - Елбасы Н.Ә. Назарбаевтың қызметі арқылы көрініс табатын қазіргі әлемдік қоғамдастықта республиканың алатын орны мен рөлін музей құндылықтардың өрістеген тақырыптық көрсетіліммен бейнелеу. 
      Көрмеге 200-ден астам жәдігер қойылған: сәндік-қолданбалы өнер бұйымдары, мүсіндер, кілемдер, кітаптар, фотосуреттер мен тарихи құжаттардың көшірмелері. 
      Көрменің негізгі мазмұнын Қазақстан Республикасының сыртқы саясатының басымдықтарын көрсететін кітаптар мен мұрағат материалдары ашады. Көрмеге Қазақстанның әлемдік қоғамдастықтың тең құқылы мүшесіне айналғанын мойындаудың айғағы ретіндегі АҚШ, Қытай, Ресей, Еуропалық Одақ елдері, ТМД, Азия-Тынық мұхит аймағы мен мұсылман елдерінің басшыларынан берілген сыйлықтар қойылған. Материалдардың басым бөлігі еліміздің Тұңғыш Президентінің жеке тұлғасының феноменін, Тәуелсіздік жылдарындағы өзгерістердің тереңдігі мен көлемін, сыртқы және ішкі саясаттағы ең маңызды оқиғаларды ашып көрсетеді. 
      Сонымен қатар бұл бұйымдар – Қазақстанның Тұңғыш Президентіне деген жеке құрмет белгісі мен қазіргі заманғы Қазақстанды қалыптастыру жолындағы табысты қызметінің айғағы.  Көрме 2012 жылдың 3 қарашасына дейін жұмыс істейді.
 


      2012 жылдың 30 мамырында Жамбыл облыстық тарихи-өлкетану мұражайында Қазақстан Республикасы Тұңғыш Президенті Музейінің қорынан ұйымдастырылған «Қазақстан және әлемдік қауымдастық» атты көрменің салтанатты ашылу рәсімі өтті. 
      Көрменің ашылу салтанатына «Нұр Отан» ХДП облыстық филиалының Әлеуметтік-саясат бөлімінің кеңесшісі Ү. Ибраимова, ҚР Тұңғыш Президенті Музейінің Музей құндылықтарын есепке алу және сақтау орталығының жетекшісі З. Молдағаринова, Жамбыл облыстық тарихи-өлкетану мұражайының қызметкерлері, ҚР ҚАЖ Департаментінің ЖД 158/7 мекемесінің қызметкерлері, қала тұрғындары мен қонақтары және баспасөз-ақпарат құралдарының өкілдері қатысты. 
      Көрменің мақсаты Қазақстан Республикасының Тұңғыш Президенті – Елбасы Н.Ә. Назарбаевтың қызметі арқылы Қазақстанның тәуелсіздіктің 20 жылында қол жеткізген табыстарын көрсететін музей құндылықтарын тақырыптық топтама арқылы таныстыру болып табылады. 
      Көрменің негізгі мазмұны Жеке мұрағаттан алынған құжаттар мен фотосуреттер, сондай-ақ тәуелсіз Қазақстанның қалыптасуы мен дамуын еліміздің сыртқы саясатының негізгі бағыттарының мазмұнын ашады. 
      Мемлекет басшыларының, үкімет басшыларының, АҚШ, Қытай, Ресей, Үндістан, Еуропалық одақ елдері, ТМД делегацияларының, халықаралық және өңірлік ұйымдардың басшыларының сыйлықтары – Қазақстан халқына, оның Тұңғыш Президенті Н.Ә.Назарбаевқа айрықша құрметі мен сыйластығының белгісі. Бұл бұйымдар келушілердің басқа халықтардың мәдениетімен жақынырақ танысуына мүмкіндік береді. Тараз қаласының тұрғындары мен қонақтары көрмемен 2012 жылдың 30 маусымына дейін таныса алады.
 


      2012 жылдың 27 сәуірінде Қызылорда облыстық тарихи-өлкетану мұражайында Қазақстан Республикасы Тұңғыш Президенті Музейінің қорынан ұйымдастырылған «Қазақстан және әлемдік қауымдастық» атты көрменің салтанатты ашылу рәсімі өтті. 
      Көрменің ашылу салтанатына «Нұр Отан» ХДП «Жас Отан» жастар қанаты облыстық филиалы төрағасының орынбасары А. Әукенұлы, ҚР Тұңғыш Президенті Музейінің Музей құндылықтарын есепке алу және сақтау орталығының жетекшісі З. Молдағаринова, облыс әкімдігі аппаратының, Қызылорда қаласының әкімдігінің, мәдениет басқармасының, білім департаментінің өкілдері, облыстың құрметті азаматтары, еңбек ардагерлері, жоғары оқу орындарының студенттері және баспасөз-ақпарат құралдарының өкілдері қатысты.
      Көрменің мақсаты – әлемдік қауымдастықтағы еліміздің алатын орны мен рөлін, Тәуелсіздіктің 20 жылдығында қол жеткізген табыстарымызды Тұңғыш Президент – Елбасы Н.Ә. Назарбаевтың қызметі арқылы көрсету. 
      Көрмеге қойылған 179 экспонат Қазақстанның әлемдік қауымдастықтың толыққанды мүшесі ретінде мойындалуының айғағы болып табылады. Елбасының Жеке мұрағатының құжаттары мен фотосуреттері, егемен Қазақстанның қалыптасуы мен дамуын, сонымен қатар еліміздің сыртқы саясатының негізгі бағыттарын көрсететін музей экспонаттары көрменің негізгі мазмұнын ашады. Бұлар: Ресей Федерациясының экс-президенті В.В. Путин сыйлаған күміс қобдиша, Ұлыбританияның Ханшайымы Елизавета II сыйлаған алтын үстел сағаты, АҚШ экс-президенті Б. Клинтон сыйға тартқан жеңілгек және басқалары. 
      Шетел мемлекеттері мен үкімет басшыларының, АҚШ, Қытай, Ресей, Үндістан, Еуропалық Одақ, ТМД елдері делегацияларының, беделді халықаралық және аймақтық ұйым басшыларының берген сыйлықтары – Қазақстан халқына және оның Тұңғыш Президентіне деген ерекше құрмет пен сыйластықтың белгісі. Бұл жәдігерлер көрермендерге өзге халықтардың мәдениетімен жақынырақ танысуға мүмкіндік береді.  Қызылорда облысының тұрғындары мен қонақтары көрмемен 2012 жылдың 25 мамырына дейін таныса алады