2015 ж.

     Қазақстан Республикасы Тұңғыш Президентінің Музейінде  Қазақ хандығының 550-жылдығына арналған мерекелік іс-шаралардың жалғасы, бейнелеу өнері туындыларынан тақырыптық қор көрмесі ашылды.
    Көрмеде  поляк суретшісі Бронислав Залесскийдің 1820 – 1880 жылдар аралығындағы «Қазақ даласының өмірі» атты сериясының бірегей жұмыстары ұсынылған. Б.Залесскийдің офорттары көркемдік шеберлікпен орындалған тек қолөнер туындылары ғана емес, сондай-ақ дәстүрлі қазақ қоғамының тұрмыстық жағдайынан да сыр шертетін құнды дерек көзі болып табылады.  
Қазақстанның белгілі суретшілерінің туындылар топтамасы, бізді аты аңызға айналған Ұлы даланың тарихымен байланыстырады. «Қыз Жібек» бейнесі, батырлар арасындағы жекпе-жек,   көшпендінің адал серігі – тұлпары мен кең байтақ туған өлкеміз үндесіп біртұтас қауымдастық байланыс құрайды.
Көрмеде A. Смағұлова, K. Әжібеков, A. Қазғұлов, Ж. Кәкенұлы, Д. Тайванжарғал, Д. Мельников және Р. Құлбатыров сынды белгілі суретшілердің еңбектері көрермен назарына ұсынылған.

2015 жылдың қыркүйек айында Қазақстан Республикасы Тұңғыш Президентінің Музейінде Лекторий кестесіне сәйкес келесі іс-шаралар өткізілді:

– «Қазақстан Республикасының Мемлекеттік рәміздері», «Қазақстан Республикасы Тұңғыш Президенті Музейі коллекциясындағы әлемдік діндердің  ғұрыптық заттары», «Астана – тәуелсіз Қазақстанның нышаны», «Қазақстан Республикасының Тұңғыш Президенті Н. Ә. Назарбаев: тарихи тұлғаның қалыптасу кезеңдері», «Қазақстан Республикасында құқықтық сана мен құқықтық мәдениетті қалыптастыру» дәрістері;

– «Қазақстан Республикасының әскери мұрасы» экскурсия-сабағы;

– «Мәдениет саласындағы өзекті мәселелер» шеберлік сыныбында Астана қаласы тарих пәнінің мұғалімдері «Мәдени мұра» Мемлекеттік бағдарламасының жетістіктері және келешегімен танысты. Мектепте «Сәулет ескерткіштері» тақырыбын оқытуда оқу процесіне интерактивті сандық білім беру ресурстарын (СБР) енгізу мәселелері туралы материал қатысушылардың қызығушылығын туғызды. Тыңдаушылар Қозы Көрпеш - Баян Сұлу, Айша Бибі, Алаша хан, Қожа Ахмет Яссауи кесенелері туралы материалдарға жасалған СБР жұмыс істеу әдіс-тәсілдерін меңгерді. Қорытындылау интерактивті тақтада тестілеу формасында өтті.

Музей қорынан алынатын фото және -бейнеқұжаттар тыңдаушылардың қашанда қызығушылығын тудырып келеді.

 Қыркүйек айы бойынша Музейдің білім беру бағдарламасына 340 адам қатысты. Қатысушылардың негізгі санатын мектеп оқушылары, колледж студенттері, Астана қ. тарих және қоғамдық пәндер мұғалімдері құрады.  


2015 жылдың қазан айында Қазақстан Республикасы Тұңғыш Президентінің Музейінде Лекторий кестесіне сәйкес келесі шаралар өткізілді:

– «Қазақстанның олимпиада чемпиондары», «Қазақстан – ғарыш айлағы» дәрістері;

– «Жәдігерлер сыр шертеді...» циклы бойынша «Елбасы мәртебесі – ел мәртебесі» экскурсия сабағы (Күміс залы);

–        Қазақ мемлекеттілігінің 550 жылдығына арналған Астана қ. колледжі студенттерінің арасында дебаттық турнир;

–       «Елбасытану» (4) және «Жастардың бойында лидерлік қасиетті дамыту жағдайлары» (4) элективті курстарының аясындағы сабақтар;

– «Лидер болу – қоғам талабы» атты актер, әнші әрі сазгер Нұрлан Әлімжанмен кездесу сабағы.

Қатысушылар тарапынан Музей қорынан алынған жәдігерлер, фото- және бейнеқұжаттар қызығушылық тудырып келеді.

Қазан айында барлығы 13 шара өткізілген. Музейдің Білім беру бағдарламасына қатысушылардың саны – 460 адам. Олардың негізін  Астана қ. жалпы білім беретін мектептерінің оқушылары, колледж студенттері, тарих және қоғамдық пәндер мұғалімдері құрады. 


     2015 жылдың 26 қарашасында Қазақстан Республикасының Тұңғыш Президенті Күніне арналған «Көңілдің асыл пернесі: Н.Ә. Назарбаевтың ән шығармашылығы» тұңғыш жалпықалалық шығармашылық байқауының қорытынды кезеңі мен жеңімпаздарын марапаттау өткізілді.  
     Қазақстан Республикасы Тұңғыш Президентінің Музейі әзірлеген арнайы жоба Махамбет Өтемісұлы атындағы Оқушылар сарайының шығармашылық ұжымымен бірлесіп жүзеге асырылды.
Байқауды өткізудің негізгі міндеттері:
1.  Ән шығармашылығын ұлттық және жалпыадамзаттық тәжірибені жүзеге асырудың соны құралдарының бірі ретінде өзектендіру,
2.  Н. Ә. Назарбаевтың Мемлекет басшысының адам және азамат ретіндегі бірегей қырларын ашатын әндерін насихаттау және жариялау,
3.  Қазақстандық қоғамның рухани-адамгершілік және мәдени дәстүрлері тұрғысынан оқушы жастар бойында құндылық нысандарын қалыптастыру,
4.  Музыка өнерінің түрлі жанрларында жас дарынды орындаушыларды анықтау және қолдау.
     Байқау 2015 жылғы 1 қарашада басталды. Іріктеу турында –  «Бабамнан қалғаң кең дала», «Біздің Президентіміздің сүйікті әндері ырғағымен», «Патриоттық тақырыптағы авторлық шығарма» үш номинациясында –   10-нан – 12 жасқа дейінгі, 13-тен–16 жасқа дейінгі, 17-ден–20 жасқа дейінгі жас санаттарында жалпы білім беретін мектептердің және арнайы орта оқу орындарының ұжымдары қатысты.  
    Байқаудың қорытынды кезеңіне іріктеу турынан 18 номинант өтті. Шындығында, ән шығармашылығы – қазақстандық қоғамның рухани-адамгершілік және мәдени дәстүрлердің құнды бағыттары көрінетін, ұлттық және жалпы адами тәжірибе іске асырылатын ерекше құралдардың бірі. Әділқазылардың бағалауына жеке орындаушылар, дуэт және вокальды топтардың өкілдері өз шеберлігін ұсынды.   
    Сайыстың жеңімпаздары өз пікірлерінде: «Біз Қазақстан Президентін әлемдік деңгейдегі саяси қайраткер ретінде білеміз. Байқау барысында Н. Ә. Назарбаев жазған әндерді зерттей отырып, Елбасының жаңа қырларын танып білдік, оның Отанға, халыққа, ел тарихы мен дәстүріне деген жүрек лүпілін байқадық» деп атап өтті.
    Байқауға қатысушылардың жүрек толқынысы мен жауапкершілігі елорда оқушыларының сүйікті орнына айналған      Махамбет Өтемісұлы атындағы Оқушылар сарайының сахнасында өнерлерін көрсетуіндегі қуанышты сәттерімен өрнектелді.
    Құзыретті әділқазылардың шешімімен ешбір жеңімпаз назардан тыс қалмады. Жас өнерпаздарға мерекеден естелік сый ретінде Н. Ә. Назарбаевтың кітаптары дайындалды. Әрбір қатысушы «Белсенді қатысқаны үшін» сертификатына ие болды.
    «Ең үздік ән» жеке номинациясы «Туған жер» әнін орындаған Анель Серікбаеваға (Дарынды балаларға арналған № 9 «Зерде» мектебі) табысталды.
    «Мақтанышым – Елбасым» (сөзі: М. Қасымбек, әні: А. Мұхамедиұлы) әнімен байқау шымылдығын ашқан «Алау» вокальды тобының мүшелері (№ 64 мектеп-лицейі) ерекше сыйға ие болды. 
Жеңімпаздар арасындағы орындар келесідей бөлінді:
 «Бабамнан қалған кең дала»
номинациясында:
1)      І дәрежелі диплом –  Байбуринов Бекарыс (№ 64 мектеп-лицейі)  «Жерім менің» әнімен;
2)      II дәрежелі диплом – Газизов Рустем, Ерсұлтан Медина (дуэт,  № 70 мектеп-лицейі) «Сарыарқа» әнімен;
3)      III дәрежелі диплом – Алпысбай Диас (№ 53 мектеп-лицейі) «Елім менің» әнімен;
 «Біздің Президенттің сүйікті әндері ырғағымен» номинациясында:
1)      I дәрежелі диплом –  Қадырбек Елнұр (№ 1 балалар музыка мектебі) «Весна на заречной улице» әнімен;
2)      II дәрежелі диплом – «Балауса» вокальды ансамблі (№ 69 мектеп-гимназиясы) «Песня о тревожной молодости» әнімен;
3)      III дәрежелі диплом – Магзымхан Фариза (№ 53 мектеп-лицейі) «Бір бала» әнімен;
 «Патриоттық тақырыптағы авторлық шығарма» номинациясында:
1)      I дәрежелі диплом –  Тайжанова Даяна («Голубой парус» балабақша-мектеп кешені) «Запах степи» әнімен;
2)      II дәрежелі диплом – Сейтқалиева Нұрай, Нұралиев Ғалымжан (дуэт, № 70 мектеп-лицейі) «Сағынышым, Астана» әнімен;
3)      III дәрежелі диплом – Қали Фариза (№ 67 мектеп-гимназиясы) «Елбасы» әнімен.
Байқаудың Бас жүлдесін «Атамекен» әнін орындаған Ищанкулова Дания (№ 66 мектеп-лицейі) иеленді. Ұйымдастырушылар тарапынан жеңімпазға басты сыйлықтар – «Желкенді кеме» мен «Алтын микрофон» тапсырылды. 

2015 жылдың желтоқсан айында Қазақстан Республикасы Тұңғыш Президентінің Музейінде Лекторий кестесіне сәйкес келесі іс-шаралар өткізілді:
Дәрістер:
– «Жастар және дәстүрлі емес діни ұйымдар: әдістері мен қызмет ету ерекшелігі»;
– «Қазақстанның тарих ғылымы: «Ғасырлар тоғысындағы халық» тарихи зерттеулер бағдарламасының аясындағы жетістіктер мен проблемалар».
    Тәуелсіздік күні қарсаңында Музейде қазақ мемлекеттілігінің 550 жылдығына арналған «Тәуелсіздік – қазақтың сан ғасырлық арманы» атты сан ғасырлық Қазақстан тарихындағы маңызды оқиғаларды сипаттаған тарихи көріністер шеруі өткізілді.
Желтоқсан айы бойынша Музейдің Білім беру бағдарламасына қатысушылардың саны – 300 адам. Олардың негізін  Астана қ. жалпы білім беретін мектептерінің оқушылары, колледж студенттері, тарих және қоғамдық пәндер мұғалімдері құрады.

2015 жылдың қараша айында Қазақстан Республикасы Тұңғыш Президентінің Музейінде Лекторий кестесіне сәйкес келесі шаралар өткізілді:
Дәрістер:
– «Қазақстан Республикасында құқықтық сана мен мәдениет қалыптастыру»;
– «Қазақстан халқы Ассамблеясы және ұлтаралық қатынас»;
–  «Жастар және дәстүрлі емес діни ұйымдар»;
–  «Тәуелсіздік алғаннан кейінгі қазақ мемлекеттілігі».

«Жастардың бойында лидерлік қасиетті дамыту жағдайлары» элективті курсының аясындағы сабақтар (4).

«Жастардың бойында лидерлік қасиетті дамытудағы әлеуметтік институттардың рөлі» ғылыми жобасының негізінде «Лидер болу – уақыт талабы» атты ғылыми-тәжірибелік конференциясы өтті. 

Парламенті Мәжілісінің депутаттары, Астана қ. Білім басқармасының әдіскерлері, ғылыми және педагогикалық қауымдастық, үкіметтік емес ұйымдар мен білім беру ұйымдарының өкілдері, «Жастардың бойында лидерлік қасиетті дамыту» элективті курсының тыңдаушылары қатысты. Конференция барысында отандық ғылымда лидерлік қасиеттің отбасы, мектеп және басқа да әлеуметтік институттарда қалыптасу тәжірибесі зерделенген мәселелер талқыланып, Қазақстан Республикасы Тұңғыш Президенті Музейінің зерттеу жұмысының нәтижелері таныстырылды.

 


    2015 жылы 2 маусым күні Қазақстан Республикасы Тұңғыш Президентінің Музейінде «Педагогикалық вернисаж» атты көрмесінің ашылуы өтті. Көрме Музейдің «Балалық шақтан көзқарас» жобасының аясында, Шымкент қаласының Балалар көркемсурет мектебі – ЮНЕСКО клубымен бірлесе ұйымдастырылып отыр. Іс-шара Халықаралық балаларды қорғау күніне арналады. Балалар көркемсурет мектебі-ЮНЕСКО клубы және жалпы орта білім беру мекемелерінің оқытушылары мен түлектері өздерінің жұмыстарын Астана қаласының тұрғындарының назарына ұсынады. Іс-шараның басты мақсаттарының бірі – Астана және Шымкент қалалары өнерпаздарының шығармашылық тәжірибелерімен алмасу. Көрмеден шеберліктің шыңына жеткен, талантты шәкірттердің әр түрлі әдіспен орындалған, жүзден аса еңбектерін көрулеріңізге болады.
      Іс-шара барысында Шымкент қаласының білікті оқытушылары Астана қаласының Балалар көркемсурет мектебі – ЮНЕСКО клубы оқушыларымен тәжірибелерімен бөлісті:
Қарабаева Ғалия – сәндік-қолданбалы өнердің композициялық әдістемесі;
Күлтаева Гүлсара – киіз-тігу әдістемесі;
Тажибекова Гульвира – «энкаустика» әдістемесі (балауыз арқылы бояуларды өзара байланыстыратын кескіндеме әдісі).

   2015 жылдың 5–6 қазанында Корея Республикасының астанасы Сеул қаласында Корея Республикасы мен Орта Азия елдері арасындағы ІХ ынтымақтастық форумы аясында Қазақстан Республикасы Тұңғыш Президенті Музейінің Қазақ хандығының 550 жылдығына арналған «Қазақстанның мәдениеті – Ұлы Даланың тарихы» атты көшпелі қор көрмесі болып өтті. Көрме Тараз қаласында өткен басты мерейтой қарсаңында ашылып, қазақ мемлекеттілігі тарихындағы маңызды оқиғаны атап өту тұжырымдамасына кең ауқымды халықаралық мән берді.
     Ұсынылған жәдігерлер кешені Қазақстанның қоғамдық-мемлекеттік құрылымының өркендеуі мен мәдени мұрасы жөнінде өткенге шолу жасауға мүмкіндік берді. Музей қорының көрмесі ЭКСПО-2017 халықаралық көрмесіне дайындық қарсаңында еліміздің туризм саласындағы мәдени әлеуетін көрсетті.
    Экспозициямен Корея Республикасы сыртқы істер министрінің орынбасары Чо Тэ Ён, Қазақстан Республикасының сыртқы істер вице-министрі А. Мусинов, Қырғыз Республикасы сыртқы істер министрінің орынбасары Д. Кемелова, Тәжікстан сыртқы істер министрінің орынбасары Н. Зохиди, Өзбекстан Республикасы сыртқы істер министрінің орынбасары Г. Фозилов, сондай-ақ Оңтүстік Корея, Қазақстан, Қырғызстан, Тәжікстан және Өзбекстанның мәдениет, туризм және бизнес орта өкілдері танысты.
2015 жылы 6 қазанда Корея Республикасы мен Орта Азия елдері арасындағы ІХ ынтымақтастық форумы аясында өткен сауда-туристік Роуд-шоу барысында Орта Азия елдерінің мәдениеті бойынша семинар болып өтті. Экскурсиялық қызмет көрсету орталығының жетекшісі
      А. Қ. Шоткина «Қазақстанның мәдениеті – Ұлы Даланың тарихы» тақырыбын таныстырды. Тұсаукесердің материалдары, сондай-ақ Қазақстан Республикасы Тұңғыш Президенті Музейі қорының жәдігерлері іс-шара қонақтарына, Корея Республикасы мен Орта Азия елдерінің  азаматтарына Қазақстанның туристік әлеуетін дәріптей келе, іскерлік әрі гуманитарлық ынтымақтастық көзқараста еліміздің бай рухани мәдениеті мен археологиялық мол қорын таныстырды.  


    2015 жылдың 27-28 қазанында Қазақстан Республикасы Тұңғыш Президенті Музейінде «Мәдениет арқылы үнқатысу» халықаралық жобасының аясында, «Ертегілер әлеміне саяхат» атты суреттемелер көрмесінің ашылу қарсаңында, Астананың шығармашыл зиялы қауым өкілдері мен петербургтің танымал суретшісі  Латиф Казбековпен шығармышылық кездесулер  өткізілді.
    Балалар көркемсурет мектебі-ЮНЕСКО клубының оқушылары  «Ертегілер әлеміне саяхат» атты суреттемелер көрмесінің материалдарымен танысуға, суретшімен еркін түрде сұхбаттассу мүмкіндігіне ие болды.  Латиф Казбеков балаларға кітап суреттемелерінде өзінің мол жұмыс тәжірибесін әңгімеледі.Сондай-ақ суретші Музей жанындағы балалар бейнелеу өнері студиясының сабағына қатысты.
Сонымен қатар Қазақстанның суретшілер Одағының өкілдерімен де салиқалы сұхбаттасу өткізілді. Латиф Казбековпен кездесуге қазақстандық танымал суретшілер де келді, олардың қатарында: Камиль Муллашев, Сембіғали Смағұлов, Төлеуғазы Байғалиев және басқалар. 

   6 қарашада Қазақстан Республикасы Тұңғыш Президентінің Музейінде «Тіл жанашыры» құрмет белгісімен марапаттау рәсімі өтті. Бұл награданы «Тіл жанашыры» қоғамдық бірлестігі 2007 жылы бекіткен болатын және биылғы жылы ол 5-ші рет табысталып отыр. Бүгінгі күнге дейін 100 адам марапатталған.
    Номинанттарды белгілі қоғам қайраткерлері, ғалымдар, меценаттардан  тұратын арнаулы комиссия іріктейді. Білім, әдебиет пен өнер саласында, баспасөз ақпарат құралдарында мемлекеттік тілдің мәртебесін өсіруге, оны дәріптеу мен насихаттауға зор үлес қосып жүрген қазақстандықтар мен шетел азаматтары құрметтеледі. Олардың ішінде отандық және шетелдік жазушылар, мемлекеттік қызметкерлер, қоғам қайраткерлері және мемлекеттік тіл мен қазақ мәдениетін дамыту мәселесінде әрдайым көмек көрсетіп жүрген меценаттар бар.
    «Тіл жанашыры» қоғамдық бірлестігінің құрметті төрағасы – ҚР Президенті Кеңсесінің бастығы М. Қасымбеков жеңімпаздарды лайықты марапаттарымен құттықтады.
    «Тіл жанашыры» иегері болу – Сіздердің көпжылдық еңбектеріңіздің, белсенді азаматтық ұстанымдарыңыз бен жоғары патриоттық сезімдеріңіздің танылуының белгісі. Сіздердей азаматтар барда, тіліміз өмір сүреді және өркендейді» деп атап өтті М. Қасымбеков.
 
     2015 жылдың 24 және 30 қараша күндері ҚР Тұңғыш Президенті Күні мерекесі қарсаңында, Астана қ. Мамандандырылған күзет қызметі басқармасының жеке құрамына және ҚР Ұлттық Қауіпсіздік Комитеті Ғылыми-зерттеу институтының қызметкерлеріне ҚР Тұңғыш Президентінің Музейі «Тарихи таңдау» ғылыми-экспозициялық жобасының көрмесі  бойынша көшпелі экскурсиялар өткізді.
    Мұрағаттық және мұражайлық қорлардан ұйымдастырылған «Тарихи таңдау» ғылыми-экспозициялық жобасының көшпелі экскурсиялары ел тарихының ең күрделі сәттерінде Ұлт Көшбасшысы атанған тұлғаның әлеуметтік, азаматтық қасиеттері қалыптасқан тарихи ортаны кеңінен ашып көрсетеді. Тыңдаушылар 1960-70 жж. құжаттарын парақтап, Қазақ КСР-нің республикалық баспасөздерінде жарияланған мақалалармен танысты.
     Әр алуан құжаттардың бірегей жинағы Н.Ә. Назарбаевтың комсомол-металлургтен бастап ҚазКСР Министрлер Кеңесінің Төрағасы, Қазақстан КП ОК Бірінші Хатшысы, Жоғарғы Кеңес Төрағасы және Қазақстан Республикасының Тұңғыш Президенті – Ұлт Көшбасшысына дейінгі жүріп өткен  жолын танып білуге   мүмкіндік берді. Сонымен қатар, ҚР Тұңғыш Президенті Музейінің қорларынан ұсынылған жәдігерлер кешені – ҚР Президентінің Ұлықтау рәсіміне киген смокингі, металлург-көрікшінің жұмыс киімі мен құрал-саймандары, араб қанжарлары, кавказ сапылары және т.б. экскурсия тыңдаушылардың қызығушылығын тудырды.

2015 жылы 11 желтоқсан күні ҚР Тұңғыш Президентінің Музейінде Қазақстан Республикасының Тәуелсіздік Күні қарсыңында өткізілетін «Туған жерім», балалар конкурсының нәтижесі бойынша жеңімпаздарды марапаттау және «Ата-баба мұрасын сақтаймыз және жалғастырмыз» көрмесінің ашылуы  өтті. Ісшара ҚР БҒМ Республикалық қосымша білім беру оқу-әдістемелік орталығы,
Астана қ. Балалар көркемсурет мектебі-ЮНЕСКО клубы және Астана қ. Білім Басқармасы және Музеймен бірлесіп ұйымдастырылды.
Балалар көркемсурет мектебі - ЮНЕСКО клубы – Музейдің алғашқы әрі ең сенімді серіктестерінің бірі.
Бұл көрменің мақсаты - оқушылар арасында қазақстандық патриотизм, интернационализм, толеранттылық, достық, сыйластық және өз Отанының тарихына деген құрмет сезімдерін дамыту болып   табылады.
   Аталмыш көрмеге 9 - 17 жас аралығындағы Қазақстандағы балаларға арналған арнайы көркемсурет мектептерінің оқушылары қатысты. Көрмеге әр түрлі «Кестелеу», «Ойыншық», «Тігу», «Сәндік жазу», «Көркем мүсіндеу»,  «Табиғи материалдармен жұмыс», «Қуыршақ», «Декупаж» техникаларда орындалған 30-дан астам жұмыстар қойылды. Конкурс жеңімпаздары Гран-при және арнайы 1, 2, 3 дәрежелі дипломдарымен  марапатталды.