2013 ж.

      2013 жылы 9 желтоқсанда ҚР Тұңғыш Президентінің Музейінде Қазақстан Республикасы Тәуелсіздігі Күніне арналған балалар шығармашылығынан  «Туған жерім» атты жылсайынғы көрмесі ашылды. Көрме  Музейдің «Балалық шақтан көзқарас» экспозициялық жобасының аясында ұйымдастырылды. Жоба азаматтық жауапкершілік пен патриоттықты, өзінің Отанын сүюге, Қазақстанның тарихы мен мәдениетіне деген қызығушылықты арттыруға, балалардың көркем шығармашылығын дамытуға және жариялауға бағытталған. Қалыптасқан көпжылғы дәстүр бойынша, көрменің тең ұйымдастырушысы Астана қ. ЮНЕСКО клубы – Балалар көркемсурет мектебі болды. Экспозицияда 7-ден 17 жасқа дейінгі балалардың түрлі техникада орындалған жұмыстары қойылған: кескіндеме, батик, жапсырма.


 


       Ағымдағы жылдың 9 айлық нәтижесі бойынша Білім бағдарламасы аясында 77 іс-шара өткізілді: дәрістер, музейлік сабақтар, «Астана – арман қала», «Білім әлеміне саяхат» мерекелік сабақтары, шеберлік-сыныптары, ҚР Білім және ғылым министрі М. Әбеновпен кездесу сабақ, «Жастардың бойында лидерлік қасиеттерді дамыту», «Астанатану» элективті курстары, экскурсия-сабақтары, «Ғажайып өнер әлемі» арт-терапиялық сессиясы, ашық есік күндері, қалалық және республикалық пікірталас турнирлері. Алғашқы рет Астана қ. мұғалімдері үшін «Музей педагогикасының негіздері» оқу курсы апробацияланды. Музей жанындағы тарих пәні мұғалімдерін оларға біліктілік санатын беру үшін аттестациялау бойынша сынақ алаңы аясында «Аттестация – шығармашылыққа жету жолдары», «Аттестация учителей – составная часть повышения мастерства учителя» қалалық семинарлары өткізілді.

      Қазақстан Республикасы Тұңғыш Президентінің Музейі Білім бағдарламасы тыңдаушыларының саны есептілік мерзім ішінде 2872 адамды қамтыды. Олардың арасында қала мектептерінің оқушылары, елордалық колледждер мен жоғары оқу орындарының студенттері, педагогтар мен ата-аналар, балабақша тәрбиеленушілері, сонымен қатар мемлекеттік органдардың қызметкерлері.


 


      2013 жылдың 18 маусымында Қазақстан Республикасы Тұңғыш Президенті Музейінің ұжымында маңызды оқиға болды. ҚР Білім және ғылым министрі Б. Жұмағұловтың бұйрығымен көп жылғы еңбегі, білім беру жүйесін дамыту мен өскелең ұрпақты тәрбиелеуге қосқан үлесі үшін Музей педагогикасы орталығының жетекшісі Қазбекова Рауза Ұланқызы Қазақстан Республикасы Білім және ғылым министрінің «Құрмет грамотасымен» марапатталды.


 


       2013 жылдың 4 шілдесінде Қазақстан Республикасы Тұңғыш Президенті Музейінде «Нұр Отан» Халықтық-демократиялық партиясына жаңа мүшелерді қабылдау рәсімі салтанатты түрде өткізілді. Жаңа қабылданған азаматтардың қатарында белсенді азаматтық және Отанға қызмет көрсету ұстанымы бар ғылым, мәдениет және өндіріс қызметкерлері мен жеке кәсіпкерлер болды. Партиялық билетті «Нұр Отан» Халықтық-демократиялық партиясы Төрағасының бірінші орынбасары Байбек Бауыржан Қыдырғалиұлы өз қолымен табыс етті. Бұл салтанатты рәсім Астана күніне орай Елбасының елордадағы ең алғашқы резиденциясында өтілуі кездейсоқтық емес. «Нұр Отан» Халықтық-демократиялық партиясының Орталық аппаратының ұсынысы бойынша аталмыш іс-шара жыл сайын Астана күні қарсаңында дәстүрлі түрде өткізілетіні анық.


 


      2013 жылдың 3 маусымында Қазақстан Республикасы Тұңғыш Президенті Музейінде «Түрлі-түсті мозаика» атты балалар шығармашылығының сайыс-фестивалі өтті. Бұл фестиваль Қазақстан Республикасы Тұңғыш Президенті Қорының қолдауымен және Қазақстан Республикасы Тұңғыш Президенті Музейінің «Балалық шақтан көзқарас» жобасы аясында Балалар көркемсурет мектебі ЮНЕСКО клубы мен Павлодар облыстық Бұхар жырау атындағы әдебиет және өнер музейімен бірлесіп ұйымдастырылды.
      Іс-шара барлық балалардың ең сүйікті мейрамы - Халықаралық Балаларды қорғау күніне арналып, аға буын өкілдеріне балаларды әрқашан қорғап, оларға қолдау көрсетіп және балалардың болашағы үшін жауапкершілікті мойындау қажеттігін еске салу мақсатында өткізілді.
      Сайысқа 6 – 13 жас аралығындағы 120-дан астам бала қатысты. Жүлде орындары келесі номинациялар бойынша бөлінді: Астана туралы мольбертте сүрет салу сайысы, асфальтта түрлі-түсті борлармен сүрет салу және мозаика мен пазлдарды жинау сайысы. Жеңімпаздарды марапаттау рәсіміне қатысқандар: Музей директорының орынбасары Ақтаева К.Қ., Қазақстан Республикасы Тұңғыш Президенті Қорының өкілі Бұлқайыров С.М., Астана қаласы Балалар көркем сурет мектебі - ЮНЕСКО клубының директоры Исенова Г.Ж., Павлодар облыстық Бұхар Жырау атындағы әдебиет және өнер музейінің директоры Игибаева Р.Е., сонымен қатар, әділ қазылар алқасының төрағасы, Қазақстан Суретшілер Одағының мүшесі Ж. Қакенұлы. Мерейтойдың құрметті қонақтары қатарында шетелдік дипломатиялық өкілдердің жетекшілері мен елшілердің жұбайлары: Ресей Федерациясы Чащина Светлана Александровна, Беларусь Республикасы Морозова Марина Александровна және Үндістан елшілігінің бірінші хатшысы Рам Сингх мырза сынды асыл азаматтар болды.
      Павлодар қаласынан қонаққа келген таңғажайып «Балалық шақ трамвайы» балаларға үлкен әсер қалдырды. Сайыстың барлық түрлеріне қатысқан балалар трамваймен жүріп, «Мұражай», «Көркем сурет», «Әдебиет», «Ән» және «Би» аялдамаларынан өтіп, әр түрлі қызықты жарыстар мен ойындарға қатысқаны үшін сыйлықтармен марапатталды. «Мұражайдың балалық шақ трамвайы» атты балаларға арналған жобаның басты мақсаты – мұражай жинақтарын тарату, Павлодар өңірі танымал тұлғаларының шығармашылығы мен өмір жолын насихаттау, сондай-ақ, осы жобаны қоғамдық сананы ағартудың, тәрбиелеудің және қалыптастырудың бірден бір құралы ретінде қолдану.


 


      2013 жылдың 21 мамырында Қазақстан Республикасы Тұңғыш Президентінің Музейі алғаш рет өз қонақтарына әдеби қонақжай бөлмесінің есігін ашты. Белгілі поляк ақыны Вислава Шимборскаяның 90 жылдығына арналған «Екінші, түзетілген баспамен өмірді қайта зерделеймін» атты кеші Музей қонақтарына ақынның ғажайыпқа толы терең де сезімтал әлеміне саяхат жасай отырып, оның өнерімен сусындауға мүмкіндік берді. Іс-шара Музейдің «Мәдениет арқылы үнқатысу» жобасы аясында, Қазақстан Республикасындағы Польша Республикасының елшілігімен бірлесіп ұйымдастырылды.
      Вислава Шимборская (1923 – 2012 жж.) – атақты поляк ақыны және жазушысы, Гете (1991 ж.) және Гердер (1995 ж.) атындағы беделді жүлделердің, әдебиет саласындағы Нобель жүлдесінің (1996 ж.) лауреаты, Америка өнер және әдебиет академиясының құрметті мүшесі дипломының иегері (2001 ж.) және Ақ Қыран Орденінің Ханымы – поляк жоғары мемлекеттік наградасының иегері. В. Шимборскаяның шығармалары әлемнің 36 тіліне аударылып, оның кітаптары 18 елде жарық көрді.
      Кеш Шынар Барлықова (скрипка) мен Әліби Асақаевтың орындауындағы белгілі поляк композиторы Витольд Лютославскийдің шығармаларымен ашылды. Кештің арнайы қонағы, Краковтан Астанаға осы кешке арнайы келген ақынның хатшысы, Михаил Русинек болды.
      Мерейтойлық жылы Қазақстанда Халықаралық Абай клубы ақын өлеңдерінің жинағын басып шығарды (Әбубәкір Қайранның аудармасы). Кеш қонақтары В. Шимборская шығармаларының қазақ тіліне аударылған нұсқасымен алғаш танысуға мүмкіндік алды. В. Шимборскаяның өлеңдері Қ. Қуанышбаев атындағы Қазақ Мемлекеттік Академиялық музыкалық-драма театрының актері Олжас Жақыпбек және М. Горький атындағы Мемлекеттік Академиялық орыс драма театрының актрисасы Мария Цыганкованың орындауында қазақ және орыс тілдерінде оқылды. Деректі бейнекадрлар арқылы келушілер өз өлеңдерін оқыған Вислава Шимборскаяның дауысына тәнті болды. Әдеби қонақжайда ақынның қолынан шыққан коллаждар келушілер назарына ұсынылды.


 


      2013 жылдың 11 сәуірінде Г.Н. Потанин атындағы Павлодар облыстық тарихи- өлкетану мұражайында облыстық Мәдениет басқармасының бастамасымен «Мұражай ісінің әдістемесі мен тәжірибесі: дәстүрлер және инновациялар» атты ғылыми-әдістемелік семинар-тренинг өтті.
      Семинар-тренингтің жұмысына Павлодар облысы мұражайларынан 56 қызметкер қатысты.
      Семинар-тренингті мұражай ісінің өзекті мәселелері бойынша «Мұражай менеджменті» (Қазақстан Республикасы Тұңғыш Президентінің Музейі тәжірибесінен), «Мұражай қорларын есепке алу және сақтау», «Экскурсиялық, көпшілік коммуникациялар», «Мұражай қызметін ақпараттандыру («Музей» - АЖ үлгісі бойынша)» Қазақстан Республикасы Тұңғыш Президентінің Музейі директорының орынбасары, т.ғ.к. К.Қ. Ақтаева, Музей құндылықтарын есепке алу және сақтау орталығының жетекші сарапшысы З.Ә. Әубәкірова, Экспозицияларды және экскурсиялық қызмет көрсетуді ұйымдастыру орталығының жетекші сарапшысы Ә.Қ. Шоткина, «НАТ Қазақстан» АҚ Консалтинг бөлімінің консультанты Е. Банцекин өткізді.


 


      2013 жылдың ақпан айынан бастап төртінші қабатта «Қазақстанның спорттық даңқы» атты экспозиция ашылды. Залда Олимпиада ойындары мен VII Қысқы Азия ойындарының ең жауапты кезеңдерін, жеңімпаздарды марапаттау сәттерін, Қазақстандық спортшылардың шынайы көңіл-күйін, ұлтжандылық сезімдері мен жеңіске деген құштарлығын айқын көрсететін фотосуреттер галереясы ұсынылған. Тәуелсіздік жылдарында Қазақстан жазғы және қысқы Олимпиада ойындарының 63 жүлдегерлерін тәрбиелеп, олардың 18 – олимпиада чемпиондары атанған.
     Спорт жабдықтары мен жеңімпаздардың олжалары – Б.Артаевтың гүлтәжі, В.Жиров пен М.Мәзімбаевтың белдіктері, А.Винокуровтың велосипеді және біздің чемпиондарымыздың қолтаңбалары қойылған басқа да бірегей жәдігерлер ерекше қызығушылық тудырады. Келушілер назарына Лондонда өткен ХХХ Олимпиада ойындары чемпиондарының фотопортреттері көрсетілген «құрмет тақтасы» ұсынылған. Залда көрсетілетін деректі фильмде Олимпиада жеңімпаздары өз әсерлерімен, көңіл-күйлерімен бөлісіп, спорт шыңында өз Отандарының атын шығаруға деген ықыластары жайлы баяндайды.
ҚР Президенті мен 2011 жылғы Азиада ойындарына қатысқан мемлекеттердің спорт министрлерінің қолтаңбалары қойылған Азия Олимпиадалық Кеңесінің туы, Д.И.Петрухиннің атақты мотоциклі және онымен жүріп өткен бағдары көрсетілген жиһанкездік картасы да экспозициядан лайықты орын алған. Дмитрий Петрухин өзінің «темір тұлпарымен» әлемнің 80 еліне саяхат жасап, әлемдік мотожорық тарихындағы теңдесі жоқ оқиға – 200 000 шақырымдық жолды бағындырып – Гиннестің рекордтар кітабына енді.
     Экспозиция Қазақстандықтардың белсенді азаматтық ұстанымдары, отансүйгіштігі мен жанкешті еңбегі Қазақстанның шынайы спорттық даңқын құрайтынына көз жеткізуге мүмкіндік береді